ممكن حد يقولى انا ممكن اشتغل محامى ازاى وانا شفت البلاوى دى؟
المفروض اروح المحكمة ببدله ممكن تقولى لما هاخد عند المحامى ده 250 جنيه اجيب بدله منين ولا ااجر؟
وهعيش ازاى بعد كده - ايه هاخد من ابويه؟

طب ممكن حد يقولى كنت ممكن اعمل ايه غير انى اشتغل اى حاجه وخلاص
ولما اشتغلت كده كنت بدفع اشتراك النقابه بانتظام لحد ما لقيت موضوع الضرايب
يا جماعه بجد هل الكلام ده ينفع؟
على فكره انا ف الشركه الخاصه اللى انا بشتغل فيها ده مظلوم وبقبض 700 جنيه
تخيل كده الفرق 3 اضعاف وانا مظلوم كمان
يا ترى ازاى عاوزين يزودوا الاشتراك وازاى اخد معاش 25 جنيه عن كل سنه انا اشتغلتها فى المحاماه
هل دى هى المهنه الشريفه بتاعة عظماء التاريخ
انتوا عاوزين تخربوها اكتر ما هى خربانه؟ وزى ما البلد خربانه؟

انا دلوقتى عاوز اشتغل ف المحاماه بس خايف
المفروض اقيد استئناف اخر 2010 ف ممكن حد يقولى اكمل ف النقابه ولا لأ؟
على فكره انا تعبان نفسيا جدا ومش حاسس بامان المستقبل انا مش حاسس ان فيه مستقبل من اساسه
يعنى الواحد دلوقتى لو خبطته عربيه ولا عمل ايه حادثه باى شكل
ايه اللى هيحصله ف باقى المنتدى قريت ان فيه احد الزملاء توفاه الله قبل ان يكلم اجراءات البطاقة الضريبيه علشان يتعالج؟
هل الكلام ده ينفع؟
وهل السيد النقيب موافق على الكلام ده ولا هو مش عارف؟ ولا هو عارف وعامل نفسه مش عارف؟
وعلى رأى تعليق قرأته لزميل هنا فى المنتدى

احنا مش فريد الديب ولا رجائى عطية ولا ابو شقة ولا مرتضى منصور
احنا اصغر من كده وعاوزين نعيش ف بلادنا
ولا دى كانت غلطتنا اننا حبينا المحاماه علشان ندافع عن المظلومين ؟
يعنى لو انا كنت دخلت تجاره ولا اداب كان زمانى اشتغلت من بدرى ومأمن مستقبلى
الواحد بتاع تجاره لسه متخرج وبيقبض عندنا ف الشركه 1200 جنيه

على العموم لو فيه محامى عنده مكتب وعاوز حد يشتغل معاه انا موجود
وده الموبايل بتاعى لو عاوز يكلمنى 0105777294 المفروض انا هقيد استئناف على شهر 11 ومش عارف هعمل ايه ف موضوع
البطاقة الضريبيه دى

انا عاوز حد يرد عليا يفهمنى
هل اللى انا عملته صح انى اشتغلت ف شركه خاصه بعيدا عن المحاماه على الرغم من انى مختار الحقوق بمزاجى مش بالمجموع
ولو انا عاوز اشتغل دلوقتى محامى هل ينفع؟
وهل لو اشتغلت محامى دلوقتى هل هتجزى معايا ؟
على العلم انى متجوزتش لحد دلوقتى

على فكره انا عندى خبره ممتازه فى التعامل مع الكمبيوتر لو حد عاوز اى مساعده